Мәдениет және ақпарат министрлігі азаматтық қоғамды дамыту тұжырымдамасына өзгерістер мен толықтырулар енгізу бойынша белсенді жұмыс жүргізіп жатыр. Аталған жұмыстың мақсаты – мемлекет пен азаматтық сектор арасында берік қоғамдық келісім орнату.
Бұл жұмысқа сарапшылар мен ҮЕҰ өкілдері қатысады. Олар тұжырымдаманың бірінші кезеңінде жасалған жұмысты талдап, халықаралық тәжірибені сараптайды және әлеуметтік зерттеулер жүргізеді.
ҚР МАМ осы жылдың тамызынан бастап, азаматтық сектордың негізгі сегменттері бойынша зерттеулер ұйымдастырады.
Қыркүйек және қазан аралығында ел өңірлерінде жария талқылаулар ұйымдастыру жоспарланған.
Сондай-ақ Қазақстандық қоғамдық даму институты сарапшылар мен ҮЕҰ өкілдерімен сұхбат жүргізіп, жаппай сауалнама жасалады.
Азаматтық қоғамды дамыту бойынша барлық ұсыныстар 2024 жылғы қазан айының соңына дейін төмендегі электронды мекенжай бойынша қабылданады: a.kushkimbaev@mki.gov.kz, a.alzhaparova@kipd.kz
ҚР Мәдениет және ақпарат министрлігінің баспасөз қызметі
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
