2024 жылғы 5 қыркүйекте «Қ.Жұбанов атындағы Ақтөбе өңірлік университеті» КЕАҚ-да «АЭС өңірлердің өсуі мен жаңғыруының факторы ретінде» тақырыбында дөңгелек үстел өтеді.
ҚР Президенті Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында елдің саяси, экономикалық және әлеуметтік дамуының болашақтағы басымдықтарын атап өтті.
Іс-шара барысында дөңгелек үстелге қатысушылар, сарапшылар мен ғалымдар Президенттің Қазақстан халқына Жолдауының негізгі міндеттерін талқылайтын болады. Сонымен қатар 6 қазанда өтетін АЭС құрылыс жөніндегі жалпыхалықтық референдумның маңыздылығы, атом энергетикасының келешегі, кадрлар даярлау мәселесі талқыланады.
«Қазақстан Республикасының энергетика саласының жағдайы» және «Бейбіт атомды пайдалану» тақырыптары бойынша баяндамалар оқылады, сондай-ақ физиктер, биологтар мен экологтар қатарындағы ғалымдар азаматтардың өмір сүру сапасын дамыту және жақсарту үшін бейбіт атомдарды пайдалану туралы өз пікірлерімен бөліседі.
Жиында Физика-математика ғылымдарының докторы, профессор Қуанышбек Шүңкеев, PhD Арман Исимов, «Экология» кафедрасының меңгерушісі Анарбек Даулетьяров, «Мұнайгаз ісі» кафедрасының оқытушысы Әлішер Ділмағамбетов пен Айнагүл Отарбаева спикерлер ретінде сөз сөйлеп, пікірлерін білдірді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
