— Жарыстың ашылуында федерация президенті Берік Уәли көптеген шетелдік спортшының ойындарға қатысуы жоғары мәртебе екенін әрі жауапкершілік жүктейтінін атап өтті.
«Көшпенділер ойындарына көптеген шетелдік қонақтардың келгенін көріп отырмыз. Бұл тек спортқа деген қызығушылық қана емес, сонымен қатар ғасырлар бойғы көшпенділер мәдениетіне деген сүйіспеншілік, шынайы жанашырлық пен құрметтің белгісі. Бұл біздің ежелгі түркі спорт түрлерін насихаттау барысында дұрыс бағыт алғанымыздың айғағы. Дүбірлі додадан Қазақстан қоржынына кем дегенде екі алтын түседі деген үміт бар», — деді Құсбегілік федерациясының басшысы.
Сондай-ақ, Берік Уәли төрешілерден әділ төрешілік деңгейін қамтамасыз етуді сұрағанын, әзірге ешқандай шағым түспегенін атап өтті.
Айта кетейік, сайыстарда Қазақстаннан 6 төреші, Қырғызстаннан 2 және Моңғолия мен Ресейден бір-бір төрешіден қызмет етеді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
