Қазақстан Республикасының Ұлттық кітапханасында көрнекті мемлекет және қоғам қайраткері, ҚР Ұлттық кітапханасының тұңғыш директоры Жандосов Ораз Қиқымұлының 125 жылдығына арналған «Ораз Жандосовтың тарихи тұлғасы және қоғамдық-саяси қызметі» атты халықаралық ғылыми конференция өтті.
Іс-шараның мақсаты – Қазақстанның қалыптасуына баға жетпес үлес қосқан қазақ халқының біртуар ұлы Ораз Жандосовтың еңбек жолы мен тағылымы мол тұлғасын насихаттау және дәріптеу.
Іс-шараға мемлекет және қоғам қайраткерлері, Қазақстан, Өзбекстан және Ресейдің тарихшы ғалымдары мен зерттеушілері, Алматы қаласының архив және музей қызметкерлері, Ораз Жандосовтың туыстары мен ұрпақтары қатысты.
Конференция аясында «Қайраткер Ораз Жандос: өмірі және қоғамдық саяси қызметі» атты кітап пен «Ораз Жандосов. 1899-1938» библиографиялық еңбектің тұсаукесер рәсімі өтті.
Сонымен қатар ҚР Ұлттық кітапханасы, ҚР Президенті Архиві және ҚР Орталық Мемлекеттік музей қорынан «Ұлтым деп өткен қайраткер» атты кітап және музей құжаттарының көрмесі ашылды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
