фото:ашықдереккөз
Қостанай облысы – ел көлемінде ауыл шаруашылығы қарқынды дамып келе жатқан аймақтардың бірі. Былтыр өңірдегі «С-Агро-Боровское» жауапкершілігі шектеулі серіктестігі бие сүтін өндіру, оны экспортқа шығаруға ұмтылыс жасады. Әсіресе, құрғақ саумал өндіру ісі – кәсіпорынның басты қызметі. Local food бренді немістің Zollmann компаниясымен бірлескен жоба. Неміс сублимация технологиясы – жаңа піскен бие сүтін -72⁰C температурада мұздату оның барлық пайдалы қасиеттерін сақтауға мүмкіндік береді. Сол арқылы өнімнің сақталуы мен таралуына, оны экспорттауға барлық жағдай жасалған.
«Жалпы алғанда саумалдың пайдасы орасан зор. Біз бұл өнімдерді ел ішінде жәе шетелге экспорттауға мүдделіміз. Саумал негізіндегі косметика шығару да жоспарымызда бар. Мәселен, қол мен бетке жағатын крем, сабын, сусабын шығару мақсатымызға айналды. Zollmann бұл косметиканы Еуропада шығарады. Шыны керек, үлкен сұранысқа ие. Алайда Германияда өндірісті кеңейтуге мүмкіндік жоқ», – дейді кәсіпорын басшысы Амангелді Сарбасов.
Кәсіпорынның қуаттылығы тәулігіне 120 кг құрғақ сүтті құрайды. Жыл басынан бері кәсіпорын 5 тонна құрғақ сүт өндіріп, оны Астана мен Алматы базарларына және дәріхана желілеріне жеткізіп үлгерді
Ж.Жұманбаева
altyalash.kz
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
