Олимпиадаға дәстүрлі түрде орта және жоғары сынып оқушылары қатысады

Үш талантты оқушы Корея стандарттау жөніндегі агенттігінің (KATS) қолдауымен Оңтүстік Кореяда өтетін стандарттарды әзірлеу жөніндегі 20-шы Халықаралық олимпиадаға Қазақстан атынан қатысады. Қазақстан командасы ҚР СИМ жанындағы «ҚазСтандарт» РМК ұйымдастырған республикалық іріктеу қорытындылары бойынша құрылды.

Қазақстан құрамасының құрамында Дильназ Саттыбаева, Іңкәрдара Ешім және Саидхан Өміртай бар.

«Стандарттарды әзірлеу жөніндегі олимпиада» атты бірегей білім беру жобасын ҚазСтандарт 2022 жылдан бастап жастар арасында стандарттау саласын танымал ету мақсатында өткізіп келеді. Олимпиадаға дәстүрлі түрде орта және жоғары сынып оқушылары қатысады.

Халықаралық олимпиада жыл сайын ондаған елден 40-қа жуық команда қатысады  және оған деген қызығушылық жыл сайын артып келеді. Қазақстан бұл бастамаға алғаш рет 2022 жылы қосылып, бірден жоғары деңгейлі дайындықты көрсетті: жас стандарттаушылар халықаралық алаңда тұсаукесерін ашу кезінде өздерін «Адай» күйін орындау арқылы таныстырды.

2023 жылы республикалық іріктеу екі кезеңде өтті. Бірінші кезеңге еліміздің барлық өңірлерінен келген оқушылар қатысты, ал 2023 жылы өткен финалдық тур араларынан ең мықтыларын анықтауға мүмкіндік берді.

«Бүкіл әлем және оның заңдары мықты іргетасты негізге алуға тиіс, ал стандарт тек бағдар ұстануға ғана емес, сонымен қатар қоғамның тиісті шектеулерін сақтауға ықпал ететін негіз болып табылады. Стандарттау өзінің икемділігімен тартымды, алайда сонымен бірге негіздеу және зерттеу үшін дәлдікті қажет етеді. Мен өз болашағымды осы бағытпен байланыстырғым келеді, сонымен қатар стандарттаудың басқа ғылымдармен үйлесуі үшін белгілі бір «синапс» құрғым келеді», — дейді Астана қаласының Республикалық физика-математика мектебінің 11-сынып оқушысы Іңкәрдара Ешім.

Мұндай жобаларға қатысу оқушылар үшін жаңа мүмкіндік ашып қана қоймай, Қазақстанда стандарттау жүйесін дамытатын ынталы, сауатты болашақ мамандардың кадрлық резервін қалыптастырады.

«ҚазСтандарт» РМК жас қатысушыларға халықаралық аренада табысты шығармашылық танытып, айқын жеңістерге жетуге тілектестік білдіреді.