Ақсуат ауданында ветеринариялық қауіпсіздікті қамтамасыз ету және мал шаруашылығын жүйелі дамыту мақсатында ауылдық округтерде орталықтандырылған ветеринариялық қондырғылар (раскол) орнату жұмыстары жүзеге асуда.
2024 жылы Құмкөл және Қызылкесік ауылдық округтерінде 5 млн теңгеге қондырғылар салынып, пайдалануға берілді. Нәтижесінде ветеринариялық қызмет көрсету сапасы жақсарып, мал иелері үшін қолайлы жағдай жасалды.
Биыл бұл тәжірибе жалғасуда. Ойшілік пен Сәтбаев ауылдарында заманауи қондырғылар орнатылып, қалған 5 округте жыл соңына дейін салу жоспарланған. Жалпы 7 елді-мекенге 26 млн теңге бөлінген.
Бұл бастама – ауыл шаруашылығын тұрақты дамытуға бағытталған маңызды қадам. Алдағы жылдары мұндай қондырғылар ірі елді мекендерде де орнатылатын болады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
