Бұл өңірде жасалатын сирек операциялардың бірі

Маңғыстау облыстық көпбейінді ауруханасында гемифациалдық спазм диагнозы қойылған 47 жастағы пациентке жоспарлы операция сәтті жүргізілді. Бұл өңірде жасалатын сирек операциялардың бірі.

Нейрохирург Думан Мырзабековтің айтуынша, гемифациалдық спазм бет нервінің ми тамырларымен жанасуынан пайда болады. Нәтижесінде бұлшықеттердің еріксіз жиырылуы пайда болады. Көбінесе мұндай пациенттер невропатологтың бақылауында болады, бірақ емдеудің түбегейлі әдісі хирургиялық араласу болып табылады.

«Операция алдында пациенттің миына МРТ жасалды, онда бет нерві мен тамыр арасындағы байланыс анықталды. Операция кезінде біз бұл кемістікті жойдық және нервтегі қысымды төмендеттік. Нәтижесінде бұлшықет жиырылуы тоқтайды. Бұл биылғы жылы біздің ауруханада жасалған екінші операция», – деді нейрохирург Думан Мырзабеков.

Операция бір жарым сағатқа созылды және нейрохирург – мамандар командасы Думан Мырзабеков пен Ақниет Оңайбаевтың, сондай-ақ анестезиолог Қарлығаш Шадиеваның арқасында сәтті өтті.

Операциядан кейін пациент өзін жақсы сезінетінін және бет бұлшықеттерінің еріксіз жиырылуынан толық арылғанын атап өтті.

«Менің нерв жүйемде елеулі проблемалар болды: бетім, қолдарым және аяқтарым еріксіз тартылды, мен қатты қиналдым. Ұзақ уақыт бойы оны невропатологтар емдеді, әртүрлі емшаралардан өттім, инъекциялар жасадым, бірақ бәрі нәтижесіз болды. Нәтижесінде мен облыстық көпбейінді ауруханаға жүгініп, Думан Мырзабеков бастаған нейрохирургтарға бардым. Маған сирек операция жасалды. Бәрі ойдағыдай өтті, қазір өзімді жақсы сезінемін», – деді пациент.

Гемифациалдық спазм – жүре пайда болған ауру. Көбінесе бұл ми тамырларының өзгеруіне, тамыр мен нервтің арасындағы ұзақ байланысқа және нерв қабығының жұқаруына байланысты пайда болады.