Республика күні қарсаңында елорданың сол жағалауында орналасқан «Тельман» тұрғын алабында газбен қамту жүйесі іске қосылды. Салынған газ құбырының жалпы ұзындығы 22,6 шақырымды құрайды. Нәтижесінде 308 жеке тұрғын үй табиғи газға қосылу мүмкіндігіне ие болды. Тұрақты газ жеткізуді қамтамасыз ету үшін сағатына 15 мың текше метрге дейін газ тасымалдауға мүмкіндік беретін заманауи қысым реттегіштері орнатылды.
Жоба 2019 жылы іске қосылған «Сарыарқа» магистральдық газ құбырының пайдалануға берілуінен бастау алған елорданы газдандырудың ауқымды бағдарламасы аясында жүзеге асырылды. Бүгінде елордадағы барлық жылу электр орталықтары газға ауыстырылып, бұл атмосфераға тарайтын зиянды қалдықтардың айтарлықтай азаюына ықпал етті.
Бұл оқиға қыс мезгілінде жиі байқалатын түтін мен ыс деңгейін төмендетіп, елорданың экологиялық жағдайын жақсартуға бағытталған маңызды қадам болды.
Жаңа тұрғын алаптарды газдандыру – қала тұрғындарының өмір сапасын арттыруға және Астанада жайлы, экологиялық қауіпсіз орта қалыптастыруға бағытталған басым міндеттердің бірі.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
