Оның айтуынша, жаңа саяси күш әділетті қоғам құруды мақсат етеді.
«Қазақ тілі» халықаралық қоғамының президенті Рауан Кенжехан жаңа «Әділет» партиясын құру бастамашыларының бірі екенін хабарлады. Бұл туралы ол әлеуметтік желідегі жазбасында айтты.
Оның сөзінше, партияның басты мақсаты – тең мүмкіндікке негізделген әділетті қоғам қалыптастыру.
«Біздің мақсатымыз – әділетті және баршаға тең мүмкіндік ашатын Қазақстанды нығайту. Біз әр азаматтың үні естілетін, мүддесі еленетін қоғам қалыптастыруды көздейміз», – деді ол.
Кенжехан жаңа Конституция қабылданғаннан кейін ел дамуының жаңа кезеңі басталғанын атап өтті. Оның айтуынша, бұл кезеңде азаматтардың жауапкершілігі арта түседі.
«Бұл – келешек үшін әрқайсымыз жауапкершілік алатын кезең. Біз нақты шешімдер ұсынып, оларды іске асыруға дайынбыз», – деді бастамашы.