Ғылымда NEET термині ағылшын тіліндегі «Not in Empoloyment. Education or Training» ұғымының бас әріптерінен құралған. Қазақ тіліне аударсақ «не жұмыс істемейтін, не оқымайтын, не өзге де істермен айналыспайтын адам» дегенді білдіреді.
NEET жастардың пайда болу себебін объективті, субъективті және жеке тұлғалық тұрғыдан қарастыруға болады. Ең басты әсер ететін фактор – өскен ортасы, отбасы, қоғам, достар, туысқандар.
Қоғамда білім алып, еңбекке араласып, өз жолын қалыптастырып жатқан адамдар көп. Дегенмен, кейбір жастар өз өміріне жауапкершілік алудан қашады. Алматы қаласы Жастар саясаты басқармасының «Жаңа Алматы жастары» жобасы аясында «Social project mаnаgement орталығы» қоғамдық қоры ұйымдастырған жобаның негізі мақсаты: жастар мен жасөспірімдерді жауапкершілікке тәрбиелеп, еңбек нарығына еркін араласуға баулу және қоғамда өз орны бар азамат қалыптастыру.