– Қазақстан онлайн қызмет көрсетуден әлемде 8-орында тұр. Бұл туралы «Digital Almaty-2024»: «Industry X: Болашақтың цифрлық эволюциясы» VI цифрлық форумы барысында Бағдат Мусин айтты-деп хабарлайды altyalash.kz сайты Kazinformге сілтеме жасап.
Оның айтуынша, елімізде қызмет түрлерінің 93 пайызы электронды түрде көрсетіліп жатыр.
«БҰҰ рейтингі бойынша Қазақстан онлайн қызметтерді ұсыну бойынша 8-орында, ал «электрондық үкіметті» дамыту бойынша 28-орынға орнықты. Қазір қазақстандықтар автокөлікті үйден шықпай ақ 5 минутта тіркей алады. Тұрғындардың 85 пайызы қолма-қол ақшасыз есеп айырысады. Бүгінде мемлекеттік қызметтердің 93 проценті электронды форматта көрсетіледі. 50 миллион анықтама цифрлық форматқа көшірілген», — деп атап өтті Бағдат Мусин айтты.
Айта кетейік, Алматыда «Digital Almaty: Х индустриясы – болашақтың цифрлық эволюциясы» атты цифрлық форум өтіп жатыр. Цифрлық іс-шараға 30 мыңнан астам адам қатысып жатыр.