Соңғы үш жылда Алматыда туризм саласында айтарлықтай өсім байқалды. 2021 жылдан бастап Алматыдағы туристік ағын 91,8% – ға өсті, бұл ретте шетелдік туристер саны рекордтық 4,2 есеге, ал ішкі туристер саны 56,3% – ға өсті. Саланың өсуі салық түсімдерінің 3 есеге ұлғаюымен қатар жүрді.
Туристік инфрақұрылымды дамыту мақсатында 2022 жылдан бастап қалада жалпы нөмірлік қоры 5972 нөмірлі 43 қонақ үйдің белсенді құрылысы жүргізілуде. Сонымен қатар, туристік нысандарды құру бойынша 26 жоба іске асырылуда, оның 7-і 2025 жылы аяқталады.
Туризмді дамыту бағыты бойынша Алматыда көрсетілген кезеңде 1000 км-ден астам тау маршруттары цифрландырылды, оның 750 км-ден астамы абаттандырылды, “Кімасар”, “Лунная поляна”, “Ақ бұлақ”, “Титова” және басқаларын қоса алғанда, 13 кемпинг-аймақ құрылды. Бұл қаланы табиғат пен ашық ауада әуесқойлар үшін тартымды етеді.
Соңғы жылдары қала халықаралық деңгейде кеңінен танылды: Алматы Тhe New York Times газетінің “Баруға 52 орын” беделді тізіміне, сондай-ақ Wanderlust нұсқасы бойынша ТОП-24 бағытқа енгізілген. Шымбұлақ және Oi-Qaragai тау шаңғысы курорттары ТМД-да үздік деп танылып, Туризмдегі инновациялары үшін марапаттарға ие болды. Катардағы халықаралық көрмеде Алматы үздік туристік дестинация сыйлығын алды.
Алматы 2025 жылы 2,5 млн-ға дейін туристерді тартуға ұмтыла отырып, өз позициясын нығайтуды жалғастыруда. Алматының туристік әлеуетін дамыту және туристерді көбірек тарту үшін инфрақұрылымды дамытуды, қаланы халықаралық нарықтарда ілгерілетуді және заманауи маркетингтік құралдарды енгізуді қамтитын кешенді тәсіл іске асырылуда. Masterсard зерттеуіне сәйкес, туристердің қанағаттану индексі 4% – ға өсіп, 67,5%-ды құрады, бұл ұсынылатын туристік қызметтің сапасын растайды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
