Алматы қаласы бойынша Экономикалық тергеп-тексеру департаментінің қызметкерлері жастар арасында құқықбұзушылықтың алдын алу, заңға бағыну мәдениетін және қаржылық сауаттылықты қалыптастыру мақсатында тұрақты түрде түсіндіру жұмыстарын жүргізуде.
Осыған орай, Алматы қаласының коммьюнити орталықтарында «Заң және тәртіп» атты ақпараттық-ағартушылық науқаны аясында тұрақты кездесулер өткізіліп келеді. Іс-шаралардың басты мақсаты – жастардың қаржылық құқықбұзушылықтармен байланысты тәуекелдер туралы хабардарлығын арттыру және жеке қаржыны басқаруда жауапкершілікке тәрбиелеу.
Бүгін Жетісу ауданындағы Коммьюнити орталығында «Тәртіпті өзіңнен баста» тақырыбында кезекті кездесу өтті. Шара барысында қатысушыларға заң талаптарын сақтаудың маңызы, жеке тәртіп пен жауапкершіліктің қоғамда қауіпсіз орта қалыптастырудағы рөлі туралы айтылды. Сонымен қатар, қаржылық қауіпсіздік мәселелеріне – қаржы пирамидаларының арбауына түсіп қалмау, заңсыз қызмет түрлерін тану және тиісті органдарға қайда жүгіну керектігіне ерекше назар аударылды.
Бұған дейін осындай іс-шаралар Алматы қаласының Түрксіб және Алмалы аудандарындағы Коммьюнити орталықтарында өткізілген болатын.
Аталған кездесулер жастардың белсенді азаматтық ұстанымын қалыптастыруға, сыни ойлау қабілетін дамытуға және күнделікті өмірде заңдылықтың маңыздылығын терең түсінуге ықпал етеді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
