1 желтоқсаннан бастап ТЖМ ІІМ-мен бірлескен «Газбаллон» акциясы белсенді іске асырылуда. Сондай-ақ, оған мүдделі мемлекеттік органдардың, әкімдіктердің, БАҚ өкілдері мен волонтерлер де жұмылдырылды.
Акцияның негізгі мақсаты – халықтың өрт қауіпсіздігіне және жалпы қауіпсіздігіне қатер төндіретін бұзушылықтарды дер кезінде анықтау.
Жерасты паркингтерінде рейдтік іс-шаралар жүргізіліп, ұйымдар мен көпқабатты тұрғын үйлердің тұрғындары арасында жабық жерасты паркингтеріне автокөліктерді кіргізуге жол берілмейтіні жөнінде түсіндіру жұмыстары жүргізілуде. Сондай-ақ тұрмыстық газ баллондарын толтыруға жол бермеуге бағытталған газ құю станцияларында профилактикалық іс-шаралар ұйымдастырылуда.
Өрт қауіпсіздігі талаптарын сақтау мәселесіне ерекше назар аударылуда, оның ішінде өрт қауіпсіздігі қағидаларының 1074-тармағына сәйкес, газбаллонды жабдығы бар автокөліктерді өзге мақсаттағы кіріктірілген немесе жапсарлас үй-жайларда, жабық типтегі паркингтер мен автотұрақтарда, сондай-ақ жер деңгейінен төмен орналасқан үй-жайлар мен тұрақтарда орналастыруға қатаң тыйым салынады.
Акция 5 желтоқсанға дейін жалғасады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
