Биологиялық қауіпсіздік проблемалары ғылыми-зерттеу институтының инфекциялық аурулардың алдын алу жөніндегі зертхана меңгерушісі Нурика Асанжанова отандық QazVac вакцинасының штамм құрамына өзгерістер енгізілгенін мәлім етті, деп хабарлайды altyalash.kz сайты.
«QazVac вакцинасы да басқа екпелер сияқты коронавирустың барлық жаңа нұсқаларына қарсы иммуногендік белсенділікке ие. Гетерологиялық вирустың жалғыз тиімділігі сәл төмен. Яғни қай жағдайда да тиімді. Вакцинаға коронавирустың жаңа штамдарын енгізу туралы айтсақ, оның тиімділігін арттыру үшін біз штамм құрамына өзгерістер енгіздік. Қазір ол тұрақтылық, қауіпсіздік және иммуногенділік бойынша бақылауда тұр. Біз жануарларға сынақ жүргіздік. Қазір реттеуші органдармен вакцинаның өзгертілген құрамын шығаруға рұқсат алу үшін келіссөздер жүріп жатыр», – деді зертхана меңгерушісі.
Еске салсақ, өткен айдың соңында QazVac вакцинасын жасап шығарған ғалымдар баспаналы болған еді. Сондай-ақ, Қазақстан Мажарстан аумағында QazVac вакцинасын қолдануды ұсынды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
