фото: korenovsk-rc.ru
Жетісу облысында көпбалалы ана өз-өзіне қол жұмсады. Полиция іс қозғады.
Қайғылы оқиға туралы 3 қаңтарда журналист Сандуғаш Дүйсенова мәлімдеген болатын. Ол таратқан ақпаратқа қарағанда, 35 жастағы Балжан Өзбекованы 28 желтоқсанда кешке құрбысы ауруханаға жеткізген.
Ақсу ауданы орталық аудандық ауруханасының жедел жәрдем бөлімінде әйел аспирин дәрісінің 10 қорабын ішіп, бір күннен кейін қайтыс болғанын айтты, – делінген мәліметте.
Жетісу облыстық полиция департаменті оқиғаға байланысты ҚР Қылмыстық кодексінің 105-бабы («Өзін-өзі өлтіруге итермелеу») бойынша қылмыстық іс қозғалғанын хабарлады. Іс бойынша бірқатар қажетті сараптамалар тағайындалған.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.