Фото: Halyq Uni
Қазір әйел қамауда отыр
Шымкент қаласының бір топ тұрғыны балабақшаға жұмысқа орналасу үшін алаяққа 12 млн теңге берген.
Polisia.kz-тің хабарлауынша, Еңбекші аудандық полиция басқармасына алаяқтық туралы арызбен 3 азамат хабарласып, көмек сұрап келген. Жәбірленушілердің айтуынша, бейтаныс әйел оларды балабақшаға тәрбиеші етіп жұмысқа орналастыруға уәде беріп, 12 млн теңге ақша алған.
Осыдан кейін полицейлер алаяқты іздеуге кірісіп, күдіктіні ұстады. Ол бұрын осыған ұқсас қылмысы үшін сотталған Түркістан облысының тұрғыны болып шықты.
Қазір әйел қамауда отыр.
Полиция департаменті азаматтарға алаяқтардың айласына түспеуді, бейтаныс адамдарға сенбеуді және ақша аудармауды, тек тиісті мекемелерден қызмет алуды ескертеді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
