АУЫЛ ШАРУАШЫЛЫҒЫ: КАРТОП ӨНДІРІСІ ҰЛҒАЙТЫЛАДЫ

фото:ашықдереккөз

Үкімет басшысы Олжас Бектенов Орта Азиядағы, сонымен қатар Ресей мен Беларуссия, Кавказ елдеріндегі PepsiCo тамақ өнеркәсібі саласы бойынша ірі компанияның президенті Дэвид Манзинимен кездесу өткізді. Басты мақсат – картоп өндірісін ұлғайтып, жаңа жұмыс орындарын ашу. Мемлекет Басшысы Қасым-Жомарт Тоқаев мен PepsiCo Президенті Рамон Лагуарта арасындағы келіссіөздерді жүзеге асыруға басымдық беріліп отыр. Бұл ерекше кездесуде Алматы облысында «Lays» картоп чипстерін шығаратын зауыттың жобасы айқындалып, кең көлемде талқыланды.

Бүгінгі таңда жаңа зауытқа 160 млн теңгедей инвестиция тартылды. Үкіметтің баспасөз қызметі мәлімегендей, ауыл шаруашылығын өңдеудің жаңа деңгейіне өте мүмкіндігі зор. Қос тарап жобаны Орталық Азиядағы ең ірі жоба болады деп сенеді. Зауыт 2026 жылы іске қосылады деп жоспарланып отыр. Осылайша жылына 16 мың тоннаға дейін өнім шығаруға мүмкіндік бар. Ал 1 жыл өткен соң, яғни 2027 жылы 21 мың тоннаға дейін өнім өндіруге болады. Тауар Азия нарығында және одан тыс жерлерге де экспортталады.

Зауыттың құрылысына 1000-ға жуық жұмысшы тартылған. Ал болашақта зауытта 350-дей  жұмыспен қамтылады. Онымен қоса отандық фермерлерге картоптың сапасын көтеру, көлемін ұлғайту міндеті қойылды. Жоспарға сәйкес, 2026-2030 жылдары 60 мың тоннаға дейін картоп сатып алу мақсаты жүзеге асырылмақ. Сонымен қатар, технологиялылығын ескере отырып, қайта бөлудің жоғары деңгейі қамтамасыз етіледі. Жалпы озық технологияларды пайдалана отырып, экология шарттарынға сәйкес келуге мүмкіндік береді. Жаңа зауыттың жұмысы 100 пайыз қалдықтарды өндіруге де бағытталады. Компания жобаны қысқа мерзімде іске асыруға мүдделі. Қазірдің өзінде PepsiCo-да жобаны дамытудың келесі кезеңдері пысықталуда. Содан кейін өнімнің кең спектрін өндіру үшін зауытты жаңғыртуға одан әрі инвестициялар салынады.

Үкімет басшысы Олжас Бектенов бұл жобаның Ауыл шаруашылығын дамыту, қазақстандық аграрийлердің табысын арттыру және жалпы экономиканы нығайту үшін маңыздылығын атап өтті. Азық-түлік өнеркәсібі мен агроөнеркәсіптік кешен үшін жобаның маңыздылығымен қатар зауыт құрылысы аралас салаларға: көлік, логистика, ауыл шаруашылығы өнімдерін дайындау, буып-түю жұмыстары жүргізіледі.

«Америка Қазақстанның ауқымды әрі маңызды инвестициялық серіктестерінің бірі болып есептеледі. Біздің ел PepsiCo компаниясымен стратегиялық қарым-қатынасты нығайтуға мүдделі. Осы міндеттемелерді қолға ала отырып, қолдау көрсетуге әрқашан дайынбыз», — деп атап өтті Олжас Бектенов.

Кезедсу соңында зауыт Үкіметтің ерекше бақылауындағы басым инвестициялық жобалар пулына енгізілгені ерекше атап өтілді. Осы жылдың бірінші тоқсанының қорытындысы бойынша құны 32 трлн болатын 704 жобадан тұрады, 122,5 мың жұмыс орны ашылады.

Ж.Жұманбаева

altyalash.kz