Бүгін Бас прокуратура және Интерпол қызметкерлері қаржы пирамидасын басқарған қазақстандық әйелді қылмыстық жауапқа тарту үшін елге экстрадициялады, деп хабарлады Halyq Uni тілшісі.
Ведомство өкілдерінің мәліметінше, 2019-2021 жылдар аралығында күдікті Қостанай облысындағы «Finiko» қаржы пирамидасының құрылымдық бөлімшесін басқарған. Оның қылмыстық әрекетінің салдарынан 40-қа жуық адам 167 млн теңгесінен айырылған.
Қылмыстық топқа қатысушылардың бір бөлігі бұрын жазаның әртүрлі түрлеріне сотталған. Күдікті осыдан кейін Арменияда жасырынған және сол елде ұсталды, – делінген прокуратура хабарламасында..
Қазір күдікті Ақтау қаласының тергеу изоляторына қамауға алынды. Бұл қылмыс үшін 7 жылға дейінгі мерзімге белгілі бір қызметпен айналысу құқығынан айыра отырып, мүлкі тәркіленіп, 5 жылдан 12 жылға дейінгі мерзімге сотталуы мүмкін.