Қазақстан Президенті Қасым-Жомарт Тоқаев Орталық Азия мемлекеттері басшыларының IV Консультативтік кездесуіндегі баяндамасында шекарада сақталып отырған тұрақсыздық факторларын жою – мемлекет көшбасшыларының еншісінде екенін айтты, деп хабарлайды Egemen.kz.
«Біз, мемлекеттер көшбасшылары ретінде өңірдегі әлі де сақталып отырған тұрақсыздық факторларын барынша жою үшін қолдан келгеннің бәрін жасауға тиіспіз. Мемлекетаралық шекаралардағы әрбір атыс тек сол елдерде ғана емес, бүкіл аймаққа да ауыр тиетіні белгілі. Қазіргі дағдарыс жағдайында біздің мемлекеттеріміз шекаралық мәселелерді еңсерудің тиімді үлгісін көрсетуге тиіс», деді Мемлекет басшысы.
Президент қазіргі уақытта шекараны заңды түрде рәсімдеу процесі өте күрделі екенін айтты.
«Даулы мәселелерді шынайы тату көршілік және халықаралық құқықтың іргелі қағидаттарын сақтай отырып, тек бейбіт жолмен шешуге болады. Басқа балама жоқ», деді ел Президенті өз сөзінде.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
