Ағымдағы жылы қазан айының 27 күні Алматы қаласы Жастар саясаты басқармасының «Салауатты өмір сүру» жобасы аясында «Social project management орталығы» қоғамдық қоры ұйымдастыруымен Алматы қаласында ҚР құрлық әскерінің әскери институтында курсанттар арасында «Лудоманияның салдары, себептері мен симптомдары» атты семинар-тренинг өтті.
Семинар спикері: психолог, психотерапевт, Қазақ психология қоғамының мүшесі Амангелді Мейрамбекұлы.
Бабаларымыз: «Ойынға ойсыз құмар»,- деп текке айтпаған. Лудомания – ессіздік, ойынға құмарлық. Қаламыздың түкпір-түкпірінде мен мұндалап тұратын букмеркерлік кеңселердің іші толған жастар. Ойынға құмар жастар қолдарындағы соңғы ақшаны тігіп, үлкен қаражат көтерем деп сенеді. Алайда, ұтылып қалған соң еңсесі суға кетіп, өзін қоғамнан алшақтатып жібереді.
Жастар арасындағы құмар ойындарына тәуелділікті азайту мақсатында өткен шарада лудоманияның зияны мен салдары туралы толығырақ, тереңінен түсіндірілді. Сұрақ–жауап ұйымдастырылып, екі жақты интерактивті кездесу болды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
