Белгілі ақын, журналист Серік Қалиев өмірден өтті. Бұл туралы журналист Бекен Қайратұлы Facebook-тегі парақшасында жазды.
«Серік бауырым Алласына аттанған екен. Иманды жырларың мен игі амалдарың қабір жолдасың болғай, отбасына һәм туыс-туған, дос-жарандарына Жаратушы Ием сабыр берсін. Бір Алла қамқорына алғай досым. Алла Тағала о дүниеде сауабыңды, дәрежеңді арттырсын және күнәларыңды кешірсін. Алладан келдік, Аллаға қайтамыз», делінген жазбада.
Серік Қалиев 1961 жылы Жамбыл облысына қарасты Амангелді ауылында дүниеге келген. Ол 1983-1995 жылдары облыстық, республикалық ақындар айтыстарына қатысып, жүлделі орындарды иеленген.
Серік Қалиевтың «Жұлдыз-сезім», «Ақ моншақ», «Егіздің сыңары», «Ашық хат» өлең жинақтары жарық көрген.