Астанада өтіп жатқан Халықаралық еріктілер форумының алғашқы сессиясында Парламент Сенатының депутаты Нұртөре Жүсіп Сенат төрағасы Мәулен Әшімбаевтың құттықтау хатын оқып, сәлемін жеткізді, деп хабарлайды Egemen.kz.
Мемлекет басшысы Қасым-Жомарт Тоқаевтың бастамасымен Қазақстанда 2020 жылы «Еріктілер жылы» деп жарияланды. Нәтижесінде қайырымдылық саласында жаңа жобалар қолға алынып, іске асырыла бастады. Бүгінгі форум да соның айқын нәтижесі.
Осы тұста Нұртөре Жүсіп пандемия кезінде әлемнің түкпір-түкпірінде мұқтаждарға көмек қолын соза білген еріктілердің ерекше жұмысына тәнті болғанын жасырмады.
«Еріктілер дәрігерлерге, тәртіп сақшыларына, мұқтаж отбасыларға көмектесті. Індетпен күрестің алдыңғы шебінде жүрді деуге болады. Уақыт өткен сайын Қазақстанда еріктілер қызметінің аясы кеңейіп келеді. Былтыр елімізде өткен әлемдік дәстүрлі діндер лидерлерінің 7-съезінде де волонтерлер үлкен қызмет көрсеткенін білеміз. Сол ауқымды іс-шараға 500-ден астам ерікті қатысып, үлкен үлес қосты», деді сенатор.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
