Қаржы министрлігінің мемлекеттік кірістер комитетінің жалпыға бірдей декларациялау және жеке кірістерді әкімшілендіру департаменті басшысының орынбасары Ерқанат Шынбергенов комитеттің ресми YouTube арнасында блогерлер де салық төлеуі керек екенін айтты деп хабарлады turkystan.kz.
«Блогерлер жарнама, оқыту курстары, ақпараттық өнімдер және ұтыс ойындары сияқты әлеуметтік желілерде әртүрлі қызмет ұсынып, табыс табатыны бәрімізге белгілі. Бұл қызмет түрлері кәсіпкерлік қызметпен байланысты. Сондықтан мұндай қызметтерден келген кіріске салық салынады», – деді Ерқанат Шынбергенов.
Оның айтуынша, «Салық туралы» заңда жарнама қызметін көрсетуге байланысты салық салу бұрыннан қарастырылған.