Фото: Қазақстан теннис федерациясы
Теннисші Анна Данилина микстен алғаш рет АҚШ чемпионы атанды.
Ол аралас жұпта финалда финляндиялық Харри Хелиоваарамен бірге жарыстың бірінші ракеткалары, америкалықтар Джессика Пегула және Остин Крайчекпен бас жүлдені сарапқа салды.
Бірінші партияда қазақстандық-финляндиялық жұп брейк жасап, сол басымдықты 6:3 есебімен сақтап қалды.
Олар екінші сетті де брейкпен бастағанмен, америкалықтар таразы басын теңестірді. Есеп – 2:2. Содан кейін Анна мен Харри тағы бір брейк жасап, матчты 6:4 есебімен ұтты. Олар бір сағаттан астам уақытқа созылған ойында 7 эйс жасап, 6 брейк-пойнттың тең жартысын пайдаланды.
Осылайша, Анна Данилина қазақстандық теннисшілерден алғаш рет микстен «Үлкен дулыға» турнирінің жеңімпазы атанды.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.