фото: vest-news.ru
Одан 200 мың теңге талап еткен
Түркістанда тал түсте жас жігітті пышақпен қорқытып, ақша талап еткен адам қамауға алынды.
Түркістан қалалық полиция басқармасына жас жігіт арызданып, өзін бейтаныс адам пышақпен қорқытып, 200 мың теңге талап еткенін жеткізген.
Жедел әрекетке кіріскен тәртіп сақшылары осы іске қатысы бар 27 жастағы жігітті қолға түсірді. Анықталғандай, оқиға 14:00 шамасында көше бойында болған.
Жас жігіт досының үйіне жаяу бара жатқан тұста алдынан бейтаныс ер-азамат шығып, оған пышағын жалаңдатып, қоқан-лоққы көрсеткен. Артынша ақша талап еткен. Жас жігіттің қалтасында ақша болмағандықтан, күдікті оның телефонын алып кеткен.
Күдікті қамауға алынды. Қазір оның үстінен сотқа дейінгі тергеу жүргізіліп жатыр
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
