Алматы облысының Еңбекшіқазақ ауданында жоғалған 3 жасар қызды іздеу жұмыстары бір айдан бері жүргізіліп жатыр.
Еңбекшіқазақ ауданы әкімдігінің мәліметіне қарағанда, баланы іздестіру кезінде ауылға жақын маңдағы су қоймасынан су ағызылған. Бірақ ол жерден балаусаның ізі табылмаған.
Безымянный тоғанындағы су 2 метрге дейін азайтылған. Облыстық полиция департаменті мен Еңбекшіқазақ ауданының полиция басқармасы жақын маңдағы Күш ауылына жақын Ақши, Қырбалтабай мен Балтабай ауылдарының тұрғындарын да сұрастырып көрген.
Бұған дейін баланың 17 наурызда түстен кейін Еңбекшіқазақ ауданының Күш ауылында жоғалып кеткені туралы хабар шыққан. Сол күні полицияға қыздың анасы хабарласқан. Қазір ауданда арнайы іздеу тобы құрылып, жоғалған баланы іздеуге жергілікті тұрғындар да қосылып отыр.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
