Бейбіт Исабаевтың айтуынша, осы жобаның аясында облыста жалпы құны 12,7 млрд. теңге болатын 59 нысанның құрылысы қарастырылған, соның 15-і дәрігерлік амбулатория, 39-ы фельдшерлік-акушерлік пункт және 5-еуі медициналық пункт. Аталған нысандардың 15-інің құрылысы өткен жылдың желтоқсан айында аяқталған, 44-інің құрылысы биылғы жылы да жалғасады. Қазіргі кезде олардың дайындығы орта есеппен – 83%. Бөлінетін қаражаттың көлеміне қарай нысандардың бірқатарының құрылысын маусымда, тағы бірнешеуін тамызда аяқтау жоспарланған. Оған қоса инженерлік-коммуникациялық желілердің құрылысы жүргізілуде, қажетті қаражат жергілікті бюджеттен бөлінді. Нысандардың дайындығы орта есеппен 80%, жұмыстар маусым айында толығымен аяқталады.
– Жалпы алғанда «Ауылдағы денсаулық сақтауды жаңғырту» ұлттық жобасының іске асырылуы тұрақты бақылауда, – деді Б. Исабаев.
Жетісу облысы әкімінің баспасөз қызметі.
Фотосурет облыс әкімі баспасөз қызметінің архивінен алынды