«Қазақстан» РТРК» АҚ Ақмола облыстық филиалының шеф-редакторы Зарина Бекқали бұқаралық ақпарат құралдары саласындағы Қазақстан Республикасы Президентінің грантына ие болды.
Бұл марапат өңірлік тележурналистиканы дамытуға қосқан үлесі үшін берілді.
Зарина Бекқали Л.Н. Гумилев атындағы Еуразия ұлттық университетін «Журналистика және репортер ісі» мамандығы бойынша үздік тәмамдаған. 2021 жылдан бері «Kokshe» телеарнасында қызмет етеді. Қысқа уақыт ішінде кәсіби біліктілігімен және шығармашылық қабілетімен көзге түсті.
Ол — Ақмола облысы әкімінің «Арқа төрі – Ақмола» премиясының «Үздік репортаж» аталымы бойынша жеңімпазы әрі «Қазақстан» РТРК» АҚ басқармасы төрағасының Құрмет грамотасының иегері.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
