«Ауылдық денсаулық сақтауды жаңғырту» ұлттық жобасы шеңберінде Мемлекет басшысының тапсырмасы бойынша 32 жұмыс істеп тұрған аудандық орталық аурухана жаңғыртылып, қайта жаңартылуда, олар ауданаралық мәртебеге ие болады.
Мұндай ауруханалар бірнеше елді мекендердің, соның ішінде көрші аудандардың тұрғындарына қызмет көрсетеді. Мұндай мәртебеге Ұлытау облысы Жаңаарқа ауданының көпбейінді аудандық орталық ауруханасы (КАОА) ие болуы тиіс.
Бүгінгі күні республикалық бюджет қаражаты есебінен аудандық аурухананы күрделі жөндеу басталды. Жөндеу жұмыстарының көлеміне мыналар кіреді: аурухана ғимараты, стационар, операциялық бөлме, ас блогы, қабылдау бөлімшесі.
Бұдан басқа, инженерлік жүйелер (жылу, су, кәріз, электр, желдету) толығымен ауыстырылады, қауіпсіздік, өрт дабылы және бейнебақылау жүйелері жаңартылады, толыққанды жедел медициналық көмек қызметі іске қосылады.
Ауқымды күрделі жөндеуден кейін, мәртебесіне сәйкес ауданаралық көпбейінді ауруханалар қызмет көрсете бастайды: көлемі кемінде 100 төсек – орны бар стационар, хирургия, терапия, акушерлік, педиатрия, реанимация сияқты мамандандырылған бөлімшелер.
Заманауи зертханалық және диагностикалық жабдықтар (КТ, УДЗ, зертханалық техника және т.б.) орнатылады. Жұмыс орындары кеңейіп, мамандарды тарту мүмкіндігі пайда болады.
Аталмыш ауруханаға 2024 жылы ғана әлеуметтік қолдау бағдарламасы бойынша 7 дәрігер келді – бұл екі хирург, акушер-гинеколог, ЖПД, анестезиолог-реаниматолог және травматолог. Сондай-ақ, 170 млн теңгеге жуық сомаға медициналық техника мен жабдық сатып алынды. Аталған бағыттардағы жұмыс жалғасуда.
Ауыл тұрғындары жоғары білікті (эндоскопия, лапароскопиялық операциялар, телемедицина және т.б.) көмек ала бастайды. Аурухана кез келген жастағы пациентке білікті медициналық көмек көрсететін Ұлытау облысындағы екінші негізгі медициналық мекеме болады.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
