Түркістан облысы полиция департаменті бастығының орынбасары Ғалымжан Қуашбаевтың төрағалығымен “Адал полицей” акциясы аясында маңызды іс-шара өткізілді.
Шара барысында Түркістан облысы прокуратурасының аға көмекшісі, аға әділет кеңесшісі Ербол Шынәділ – “Заң және тәртіп” қағидаты аясында азаптаудың алдын алудың негізгі міндеттері туралы айтып өтсе, ҚР Мемлекеттік қызмет істері агенттігінің Түркістан облысы бойынша департаменті Сыбайлас жемқорлықтың алдын алу басқармасы бастығының м.а. Әбдірәсіл Әбдісадықұлы Әбиев – “Полиция қызметкері тарапынан сыбайлас жемқорлық құқық бұзушылық жасағаны үшін жауапкершілік” жайлы баяндады.
Сонымен қатар өзіндік қауіпсіздік басқармасының бастығы Нұрбол Мырзатаев – “Заң үстемдігі – жемқорлыққа қарсы күрестің негізі” атты тақырыпты полицейлерге кең ауқымда түсіндіріп өтті.
Өз кезегінде қоғамдық қауіпсіздік басқармасы бастығының орынбасары Бегімхан Ахметов “Құқық бұзушылық профилактикасы туралы” заң аясында түсіндірме жұмыстарын жүргізді.
Жиын соңында полицейлерге “Полиция қызметкері тарапынан сыбайлас жемқорлық құқық бұзушылық жасағаны үшін жауапкершілік” тақырыбында әсерлі профилактикалық бейнероликтер көрсетілді.
Қазақстан Республикасының Ақпарат және қоғамдық даму министрлігінің Ақпарат комитетінде тіркеліп ақпараттық агенттігі ретінде № KZ44VPY00041335 куәлігі берілді.
