Медицинадағы әйелдер — денсаулық сақтау жүйесінің жүрегі

Исафина Бибігүл Тұрысбекқызы 40 жылға жуық уақытын педиатрия саласына — балалардың денсаулығына қамқорлық жасауға және медициналық-санитариялық алғашқы көмекті дамытуға арнады. Жетісу облыстық денсаулық сақтау басқармасының Талдықорған қалалық №2 емханасының педиатрия жөніндегі бас маманы, Жетісу облысы бойынша медициналық-санитариялық алғашқы көмек жөніндегі штаттан тыс үйлестіруші, тәуелсіз сарапшы ретінде ол учаскелік дәрігерден емхана директорының орынбасарына дейінгі кәсіби жолдан өтіп, өз мамандығына адал болып келеді. Оның басшылығымен емханада Балаларды дамыту және ерте араласу орталығы ашылып, балалардың дамуындағы бұзылыстарды ерте кезеңде анықтауға және уақтылы кешенді көмек көрсетуге мүмкіндік берді. Көп жылғы еңбегі, жоғары біліктілігі мен ісіне деген адалдығы мемлекеттік және салалық наградалармен атап өтілді.