СУДЫ ҮНЕМДЕЙТІН ШАРУАШЫЛЫҚҚА БЕРІЛЕТІН СУБСИДИЯ КӨЛЕМІ 30 ПАЙЫЗҒА АРТТЫ

фото:ашықдереккөз

Елімізде ылғал үнемдейтін технологияларға ерекше мән беріледі. Отандық шаруалар үшін мемлекет тарапынан арнайы бағдарлама да әзірденді. Енді аталаған бағытта тиімді жұмыстар атқарғаны үшін субсидия көлемі 30 пайызға көтерілді. Осылайша, субсидиялардың мөлшері қолда бар 50% – дан 80% – ға дейін өсті. Сол арқылы заманауи суару жүйелеріне ден қойылып, инфрақұрылымдарымен толық қамтамасыз етуге мүмкіндік туады. Бұл ақпаратты ҚР Су ресурстары және ирригация министрлігінің баспасөз қызметі хабарлады.

Министрліктің хабарлауынша, елімізде жиналатын судың жалпы мөлшері 60 пайыздан астамы ауыл шаруашылығына жұмсалады. Бұл дегеніміз 40 тонна су аталған бағытқа бөлінеді. Ведомвствоның хабарлауынша, аграршылар суды үнемдеу мен тиімді пайдалануға басымдық беріледі. Су кодексі арқылы су үнемдеу технологияларын дамытуға, оны енгізуге біршама шаралар қарастырылған. Арнайы тариф түріндегі мемлекеттік қолдау шаралары да бар.

Сонымен қатар елімізде өсірілетін дақылдардың түрлеріне және олар тұтынатын су көлеміне байланысты тарифтерді  пайдалану ұсынылады. Онымен қоса, ұңғымаларды бұрғылауға қатысты субсидиялар да қарастырылған. Аталған бағытта субсидия көлемі 80 пайызға өсті.

«Жалпы алғанда, субсидиялар көлемін ұлғайту – еліміздің ауыл шаруашылығын қолдауға арналған басым бағыттың бірі. Бұл арқылы фермерлерге зор қолдау көрсету, ауылдардың әл-ауқатын жақсарту жолға қойылады. Мемлекет тарапы шаруалардың су үнемдеу жүйелерін сатып алуға және орнатуға жұмсаған шығындарының 80% – на дейін өтеуге мүмкіндік беріп отыр. Біздің министрлік ел көлемінде су үнемдеу технологияларын енгізуге күш салады. Яғни, 2030 жылдың соңына дейін кезең-кезеңмен жоспар әзірленіп, даяр тұр. Ал әрбір өңірге су үнемдеу жүйелері орнатылған егіс алқаптарын ұлғайту бойынша нақты индикаторлар берілгенін хабарлаймыз. Осылайша, 2030 жылдың соңына қарай республиканың суармалы жерлерінің жалпы көлемінің 50% – дан астамын суды үнемдеу технологиясымен қамту арқылы жылына 2,1 млрд текше метрге дейін су үнемдеу жоспарланып отыр», – деді Су ресурстары және ирригация министрі Нұржан Нұржігітов.

Ж.Жұманбаева

altyalash.kz